ஆயா வீடு

ஒவ்வொரு ஆண்டும் கூடி களித்தோம் ஆயா வீட்டில்
ஓராயிரம் ஆட்டம் ஆடி கழித்தோம் அந்தக் கூட்டில்
திரைப்படம் விதம் விதமாகப் கண்டு களித்தோம் ஆயா வீட்டில்
திரைப்பா நிதம் இதமாகப் பாடிப் பூரித்தோம் அந்தக் கூட்டில்

சுற்றம் அகமும் முகமும் மலர நாமும் மகிழ்ந்தோம்
சுற்றும் உலகும் வாழ்த்த நாமும் வாழ்ந்தோம்
சற்றும் குறைவின்றி உண்டு களித்தோம்
காற்றும் சமையல் மணத்தால் நிறைந்திட திளைத்தோம்

உறவினர் கூடினால் கேட்கவும் வேண்டுமா
உற்றார் மகிழ்ந்திட நம் உவகைக்குப் பஞ்சமா
பணம் என்றும் கொடுத்ததில்லை இன்பம் - மற்றவர்
மனம் மலர்ந்தால் என்றென்றும் ஆனந்தம்

ஆண்டுக்கு ஒருமுறை மீண்டும் இணைந்திடுவோம்
சென்ற கால நினைவுகளை மீட்டு எடுத்திடுவோம்
நம்முள் என்றும் மங்காது பாசம்
நேரில் கூடினால் தேங்காது சந்தோசம்