பெருமை

மனம் தனைப் புரிந்து கொள்
மணம் கொண்டவனே
நான் பூச்சூடினால்
மணம் தனைப் புகழ்

நான் சேலை அணிந்தால்
நிறம் தனை ரசி
நான் சமைத்தால்
ரசித்துக் கொண்டே புசி

ஊடல் கொண்டால்
கவிதை ஒன்றை வாசி
கூடல் கொண்டால்
உயிர் மூச்சனைத்தும் சுவாசி

கூறாமலே இவையனனத்தும் செய்தால்
என் உள்ளம் உவப்பு கொள்ளும்
இயல்பாக சிரிப்பேன் - மொத்தத்தில்
நான் நானாக இருப்பேன்

அதற்காக நீ உன்னை இழக்க வேண்டாம்
நீ நீயாகவே இரு
கொஞ்சம் புரிந்து கொள்
அது போதும் என்றாள்

கோபம் கொண்ட வேளையிலும்
கோதையின் மனப் பக்குவம் கண்டு
அகம் மகிழ்ந்தேன்
ஆண்டவனுக்கு நன்றி சொன்னேன்

பெருமை கொண்டேன்
பேரின்பத்தின் எல்லை கண்டேன்