ஆயா

பத்தரை மாற்றுத் தங்கம் அவர் - பொருள்
போதாத போதும் மாறாத ஈகைக் குணத்திலே
வஞ்சம் இல்லா சிரிப்பிலே
வாஞ்சை கொண்ட வளர்ப்பிலே

வெள்ளந்தி மனம் கொண்டவர்
விவரமானவர்கள் பலரைக் கண்டிருப்பீர்
குழந்தை போன்ற குணத்தைக் கண்டதுண்டா?
வாரிக் கொடுக்கப் பாசம் உண்டெனில் பணம் எதற்கு?

கொல்லைப்புறம் கொன்னையூர் மாரியம்மன் கோயில்
நெஞ்சில் என்றென்றும் அம்மனின் நாமம்
நாவில் நாளும் அன்னையின் அருள் வாக்கு
வேறு எதுவும் வேண்டுமோ செல்வாக்கு?

செல்வம் குறைந்த போதும்
செய்தார் குறைவில்லாமல் பாலாபிஷேகம்
செல்வம் நிறைந்த போதும் எளிமை
செல்வோம் வாழ்வில் அவர்தம் வைராக்கியத்தோடு.